ازاى تستغنى عن المرشد السياحى لما تسافر برة
بصراحة انا شايف انه مينفعش فى القرن الواحد وعشرين وعصر النت ونبقى مستنين شركة سياحة تيجى تعملنا بروجرام نمشى عليه وندفعلهم فلوس مقابل دة
انت دلوقتى وانت نايم على سريرك باللاب توب او الموبايل تقدر تظبط رحلتك بنفسك ... وبالمرة توفر الفلوس اللى هتدفعها لشركة السياحة
انهاردة هتكلم عن اكتر موقع انا بستخدمه فى الحكاية ديه وهو موقع
الموقع دة ميزته انه ليه ابليكيشن بينزل على الموبايل وعن طريقه بتختار المدينة اللى انت مسافر ليها وتنزل خريطة تشتغل على الموبايل اوفلاين من غير ما تحتاج نت والجى بى اس كمان بيشتغل عليها ومش بس كدة على الخريطة ديه بيبقى موجود كل المعالم السياحية والغير سياحية كمان
بص يا سيدى نبدا الشرح مع بعض
اول حاجة تسجل فى الموقع وممكن تسجل باكونت الفيس بوك على طول
هتكتب اسم المدينة اللى انت رايحها فى البحث فهيظرلك الكلام دة لو مثلا كتبت ميلان ايطاليا
على الشمال هتلاقى اول اختيار هو دليل السفر اللى انت هتعمله لنفسك
وتانى اختيار كل الاماكن السياحية والغير السياحية اللى فى المدينة اللى هتختار منها اللى يعجبك عشان توزره وتحطه فى دليل السفر بتاعك
وتالت اختيار دة بقى دليل سفر بتاع ناس تانية معمول جاهز لو انت مكسل حتى تعمل دليل خاص بيك .... والجزء دة الميزة ان ممكن اهل المدينة نفسهم يبقوا عاملين دليل سفر للسياح ... ودة بيبقى حلو اوى لان بيبقى فيه الاماكن اللى فعلا اهل المدينة بيستمتعوا بيها وديه بتبقى احسن الاماكن فعلا
فى تانى اختيار زى ما فى الصورة باين بيبقى مقسم الاماكن المختلفة لمطاعم او اماكن سياحية او متاحف او معارض فنيه او اماكن للتسوق او بار ونايت كلاب او سبا واماكن للتجميل والصحة او اماكن للترفية او كافيهات
هتدخل على الاماكن وتشوف ايه الاماكن اللى عاوز تزورها واللى يعجبك ضيفه لدليل السفر بتاعك بانك تدوس بس على
ADD TO MY GUIDE
بعد ما هتضيف كل الاماكن اللى تعجبك هتدخل على خامس اختيار اللى هو الخريطة زى ما واضح فى الخريطة ديه بتاعة باريس مثلا
على اليمين هتختار مثلا دليل السفر بتاعك هيظهرلك على الخريطة كل الاماكن اللى انت اختارتها وهتلاقى كمان لو انت عملت اعجاب لدليل سفر حد تانى برضه ممكن تختاره زى مانا هنا عامل اعجاب لدليل سفر فيه كل الاماكن اللى تقدر تزورها ببلاش فى باريس واعجاب لدليل تانى فيه كل الاماكن اللى فيها واى فاى ببلاش فى باريس
وبرضه على اليمين هتلاقى اختيارات اهل المدينة وديه فيها كل كبيرة وصغيرة ممكن تشوفها فى المدينة اللى انت رايحها بس انت هات وقت عشان تشوف الكلام دة كله
وبرضه على اليمين هتلاقى اختيارات اهل المدينة وديه فيها كل كبيرة وصغيرة ممكن تشوفها فى المدينة اللى انت رايحها بس انت هات وقت عشان تشوف الكلام دة كله
بعد كدة هتدخل على الموبايل وتنزل الابليكيشن بتاع الموقع عندك وتدخل على الاكونت بتاعك هتلاقى المدينة اللى انت ظبطتها جاهزة وبس هتدوس على
Available offline
هيعمل داونلود وبكدة يبقى انت معاك دليل سفر شغال اوفلاين وبالجى بى اس تقدر تتحرك حوالين المدينة كلها بالخريطة ديه
واى وقت تتزنق فيه ادخل اى كافيه او حتى ماكدونالدز او برجر كنج هناك هتلاقى واى فاى ببلاش فى كل اوروبا وتعمل بحث عن اللى انت عاوزه وبالجى بى اس وجووجل ماب تقدر كمان تشوف المكان اللى انت عاوز تروحه بالمواصلات من مكان ما انت واقف
يعنى من الاخر انت لو قاصد تتوه فى اوروبا مش هتعرف
0 تعليقات :
إرسال تعليق