ثلاث طرق للاقامة والاكل ببلاش حوالين العالم
-1- House stay
فى ناس لما بتسافر بتبقى عاوزة حد يقعد عندهم فى البيت عشان ياخد باله من القطط او الكلاب بتاعتهم او اى حاجة تانية هم خايفين عليها
كل اللى هتعمله انك تقعد وتاخد بالك منهم وتاكلهم واقامة يا معلم ببلاش هناك
ومن اهم المواقع اللى ممكن عن طريقها تعمل كدة هم
&
وعلى فكرة الصور ديه متاخده من بيوت موجودة على الموقع
-2- Be a WWOOF’er
ممكن وانت مسافر تشتغل فى مزرعة اورجانيك لمدة 4 ساعات مثلا فى اليوم مقابل الاقامة والاكل ... وهتقابل ناس كتير زيك بتعمل كدة وتعمل صداقات معاهم وهتتعلم حاجات عمرك ما اتعلمتها قبل كدة وتقعد المدة اللى انت عاوزها وكمان ممكن تظبط مع الناس اللى هناك عشان تتنقلوا مع بعض للمحطة اللى بعدها
وبكدة تبقى وفرت فلوس الاقامة والاكل وانت مسافر ومتتكلفش غير فلوس تذكرة الطيران وهتقابل ناس بتشاركك نفس طريقة تفكيرك
ودة ممكن تعمله عن طريق الموقع دة
طب لو انت ملكش فى حوار المزارع دة ممكن تدخل على الموقع دة
هتلاقى شغل تانى بالاضافة لموضوع المزارع دة زى مثلا انك تشتغل فى هوستل او مثلا تشتغل فى مساعدة فى اعمال منزلية او تساعد فى اى حاجة ... ادخل على الموقع واستكشف بنفسك
-3- Help & Stay
ودى طريقة برضه للاقامة ببلاش وهى انك تتطوع فى مشروع من المشاريع المتاحة على الموقع والمقابل تقيم ببلاش وتتعرف على ناس جديدة
المواقع اللى بتقدم الخدمة ديه هى
&
0 تعليقات :
إرسال تعليق