طريقة حجز تذاكر طيران لتركيا رخيصة
تذاكر الطيران
احسن مكان تحجز منه تذاكر لتركيا هو مطار شرم الشيخ او مطار الغردقة -
اولا هتوفر تقريبا 1000 جنيه لان التذكرة بتعمل ما بين 1100 ل 1400
وممكن تاخد
Gobus
من القاهرة ب 65 جنيه يوديك لحد هناك
ارخص شركة طيران ممكن تحجز منها هى -
بيجاسوس ارخص حاجة بس بتنزل فى مطار صبيحة اللى فى الجزء الاسيوى من اسطنبول مش مطار اتاتورك
ولازم وزن الشنط ميزيدش عن 20 كيلو ولو اكتر بتدفع فلوس زيادة
وملهمش مكتب فى مصر وبالتالى لازم تحجز اونلاين
وانت بتختار من القايمة المطار اللى هتنزل فيه هتختار مطار صبيحة اللى هتلاقيه باسم
Istanbul - S.Gokcen
خد بالك ان الطيران مش يوميا وبالتالى حاول تختار اختيار
Flexible in travel dates
عشان يجيبلك كل الايام المتاحة فى الفترة اللى انت مسافر فيها وكمان تقدر تختار الارخص
تانى حاجة تاخد بالك منها هى نوع التذكرة اللى هتحجزها
لان فى 4 انواع وكل نوع بيسمحلك بكمية شنط معينة ومميزات تانية
اختار اكتر حاجة مناسبة ليك
وانت بتحجز هيقولك عاوز تزود وزن ولا لا عشان تدفع الفلوس الزيادة بتاعة الوزن وكمان هيقولك عاوز وجبة على الطيارة ولا لا وطبعا قول لا عشان توفر فى الفلوس وخد بالك وانت بتدخل اسمك انه يكون زى الباسبور بالظبط وغالبا برضه هيقولك عاوز تستلم رسالة تاكيد على موبايلك ولا لا وبتدفع فلوس على كدة فبرضه هتقول لا ... لان اللى هيتبعتلك على الميل هو دة المهم
التنقل من والى مطار صبيحة
من المطار فى اوتوبيس اسمه هاواتش بيروح لحد تقسيم ويانيكابى ب14 ليرة
او فى قايمة من الاوتوبيسات العادية بتوديك اماكن كتير فى اسطنبول الاسيوية وهى دى الاوتوبيسات
Hat No Hattın Adı122H S.GÖKÇEN HAVALİMANI - YENİŞEHİR - 4.LEVENT METRO130H TUZLA - SABİHA GÖKÇEN HAVALİMANI132H PENDİK YHT - SABİHA GÖKÇEN HAVALİMANI16S SABİHA GÖKÇEN HAVALİMANI - UZUNÇAYIR METROBÜSE-10 SABİHA GÖKÇEN HAVALİMANI - KURTKÖY - KADIKÖYE-11 SABİHA GÖKÇEN HAVALİMANI - KADIKÖYE-18 ALTUNİZADE - ÜMRANİYE - SABİHA GÖKÇEN HAVALİMANIE-3 SABİHA GÖKÇEN HAVALİMANI - 4.LEVENT METROE-9 BOSTANCI - SABİHA GÖKÇEN HAVALİMANIKM22 SABİHA GÖKÇEN HAVALİMANI - KARTAL METRO - CEVİZLİSG-1 KADIKÖY - SABİHA GÖKÇEN HAVALİMANISG-2 TAKSİM - SABİHA GÖKÇEN HAVALİMANI
ومن الاماكن ديه ممكن تكمل لاى مكان فى اسطنبول
0 تعليقات :
إرسال تعليق