لمعرفة تكلفة المعيشة فى اى مدينة وانت فى بيتك
تكلفة المعيشة
انا واحد من الناس قبل ما اروح اى مكان بحب اقعد احسب بالمللى انا ممكن اتكلف قد ايه .... سواء تكلفة اقامة او طيران او حتى الاكل
وانهاردة هنتكلم عن موقع من اكتر المواقع اللى ممكن تساعدك تعمل كدة
Numbeo.com
الموقع دة ميزته انك وانت قاعد فى بيتك تقدر تعرف البلد اللى انت رايحها اسعارها عاملة ازاى من اول اللبن الكيلو بكام لحد الوجبة فى مطعم شعبى بكام والعيش بكام ولو مطعم غالى بكام وكمان لو هتاكل فى ماكدونالدز هيبقى سعر الوجبة كام
ومش بس كدة دة كمان تقدر تعرف اهل البلد متوسط المرتبات عندهم كام وايجار الشقة بكام ... يعنى من الاخر اكنك عايش هناك بالظبط
اول حاجة هتدخل على الموقع وتختار البلد اللى انت مسافر ليها
وهيظهرلك الاسعار باليورو غالبا فهتختار العملة جنيه مصرى
هيعرضلك كل الاسعار بالجنيه لكل الحاجات اللى تيجى فى بالك وحتى كمان التاكسى والمواصلات هيجيبلك سعرها
ودة من ضمن الحاجات اللى هتظبط على اساسها ميزانيتك قبل ما تسافر
0 تعليقات :
إرسال تعليق