ازاى تطلع فيزا لتركيا ب 550 جنيه مع طريقة اصدار التصريح الامنى
طريقة عمل فيزا لتركيا
اولا الفيزا بتعتمد على سنك
لو سنك ما بين 20 ل 45 لازم تروح السفارة
انما لو اكبر او اصغر بتطلعها اونلاين ومش محتاج تروح السفارة
ويا ريت تبدا فيها قبل ميعاد السفر بشهرين تلاتة
الورق المطلوب
الباسبور وصورة منه-
صورتين شخصيتين-
"الورق الباقى دة كله اتكلمنا عليه فى الموضوع بتاع الفيزا الشنجن وازاى تطلعه"
حجز طيران مبداى-
حجز فندق -
HR letter -
تامين صحى للسفر -
Bank Statement-
امال ايه حوار خطاب الدعوة دة ؟؟؟
دة خطاب بتجيبه من حد هناك يدعوك عشان تاشيرتك متكنش سياحة ولكن هتكون زيارة ودة هيخلى التصريح الامنى للسفر يبقى اسهل من تاشيرة السياحة "دة لو انت محتاج تصريح امنى يعنى" وبرضه ممكن يخليهم يتغاضوا عن انك متجيبش خطاب عمل او كشف حساب بنكى
الخطوات
ادخل على موقع السفارة من هنا
هتختار مصر والقنصلية الاقربلك سواء القاهرة او اسكندرية
زى ما فى الصورة كدة
بعد كدة هتدخل بياناتك
الجنسية ونوع الباسبور ورقمه ونوع الفيزا (سياحة -زيارة - طالب) وغرض الزيارة وعدد مرات الدخول (لو اول مرة اكتب دخول مرة واحدة وممكن بعدين تقدم متعدد) والبلد اللى هتقدم منها
بعد كدة هيقولك سنك كام وهل هتختار فيزا اونلاين ولا فيزا فى السفارة
لو انت سنك ما بين 20 و 45 هتعمل زى ما فى الصورة كدة السهم الاخضر
بعد كدة هتدوس على الموافقة على الشروط وعلى
Next
هتجيلك صفحة جديدة زى ديه تدخل فيها بياناتك ولازم يبقى فى ايميل شغال عشان هيتبعتلك عليه رسايل
هتكتب الحروف وتدوس
Next
بعد كدة هيظهرلك الصفحة ديه
هتدخل على الميل بتاعك هتلاقى كود تكتبه فى الخانة ديه وتدوس
Next
بعد كدة هتدخل معلومات عن عنوانك وشغلك
وتدوس
Next
هتدخل معلومات الباسبور بتاعك وهل انت مقيم فى بلد تانية ولا لا وهل هتسافر على بلد بعد تركيا ولو هتسافر معاك الفيزا ولا لا
وهيسال كام سؤال كدة عن هل قدمت للفيزا قبل كدة ولا لا
"الاسئلة من 3 ل 8"
بتسال لو فى جرايم عملتها قبل كدة ولا لا فطبعا هتقول لا
بعد كدة هتلاقى اسئلة عن هتسافر بطيران ولا ايه وهتوصل انهى مطار
وهتسافر من امتى لامتى وهتصرف على نفسك ولا حد تانى هيصرف عليك
عشان لو جايب حساب بنكى لوالدك مثلا يبقى هو اللى هيصرف عليك
بعد كدة هيطلب منك نسخة من ورقك اونلاين
هترفعها على الموقع عن طريق انك تدوس على المربع زى اللى فى الصورة
المفروض بعد ما ترفع الملفات هتبقى بالشكل دة
بعد كدة هيعرضلك ملخص للابليكيشن وميعاد الانترفيو لو تمام دوس على
Confirm
و
Submit application
هينزل عندك ملف زى دة
اطبعه وامضيه وروح بيه الانترفيو
عنوان السفارة سفارة تركيا: 25 ش الفلكى تقاطع ش مجلس الشعب باب اللوق
أقرب محطة مترو هي سعد زغلول
ملاحظات
الرسوم 550 جنيه وبتدفعها فى السفارة ساعة الانترفيو-
الحساب البنكى لازم يكون ل 6 شهور فاتوا او على الاقل 3 او 4 شهور-
التاشيرة بتصدر فى خلال من 3 ايام ل اسبوع-
الفيزا مدتها شهر واحد وسارية لمدة 6 شهور-
التصريح الامنى
الصورة ديه من مجمع التحرير
الدول المطلوب اصدار تصريح امنى ليها موجودة فى الصورة و من ضمنهم تركيا على حسب الشروط اللى مكتوبة فى الصورة
الورق المطلوب
الباسبور وصورة منه-
صورة الفيزا-
اسم الوالد خماسى وتاريخ الميلاد-
هتطلع على مجمع التحرير قبل الساعة 12 الدور الاول غرفة15 مكتب 52
"شغالين كل الايام ما عدا الجمعة"
اشترى استماره ب 50 قرش وتملاها وتقدمها مع الورق
هتستلم الموافقة بعد 48 ساعة وبتبقى سارية لمدة شهر من تاريخ الاصدار
تابعنا