ازاى تسافر بشنطة صغيرة وتوفر فلوسك (Packing)

الشنطة

Packing

الخطوة ديه مهمة جدا .... زى ما شرحت فى الموضوع بتاع تذاكر السفر ان فى شركات طيران اللى بتبقى تذاكرها رخيصة بتسمحلك بشنطة واحدة بس وبحجم صغير ولو عاوز  تاخد شنط تانى بتضطر تدفع فلوس ممكن تبقى اكتر من تمن التذكرة نفسها وكمان بيبقى فى ستاند لازم الشنطة تدخل فيه عشان تعدى ويتاكدوا ان حجم الشنطة زى ما هم كاتبين على الموقع

لو انت مسافر اسبوعين مثلا صدقنى مش هتحتاج اكتر من الشنطة ديه معاك لو عملت زى ما هنشرح فى الصفحة هنا

انا مرة سافرت اوروبا لمدة 17 يوم بالشنطة ديه وبس

                   

         

           

-1-

فى طرق مختلفة تخليك تحط لبس كتير فى شنطة صغيرة وديه شوية فيديوهات لشرح الطرق ديه

Rolling

Pack Like A Pro

Liquids and Essentials

========================================================================

-2-

خد معاك بنطلون جينز واحد ( وممكن يبقى اللى انت مسافر بيه ) وكام تيشيرت  وشورت (هيوفرلك مكان كبير عن البنطلون )وكام شراب وكفاية اوى كوتشى واحد ويا ريت يكون رياضى عشان هتتمشى كتير وهينفعك 

================================================

-3-

   

 لازم وانت بتختار الهوستل تاخد بالك هو فى خدمة غسيل هدوم ولا لا (هتلاقيها فى ضمن المواصفات اللى مكتوبة للهوستل ) لان بالطريقة ديه هتوفر على نفسك انك تاخد لبس كتير على الفاضى فى حين انك ممكن تاخد لبس قليل وتستخدم خدمة غسيل الهدوم فى الهوستل اللى هتقعد فيه

========================================================================

-4-

وانت مسافر هتلبس اكبر لبس حجما .... البنطلون الجينز وتيشيرت وعليهم الجاكت اللى مش هتاخد غيره معاك ويا سلام لو دابل فيس ويبقى 2 فى 1 عشان توفر مكان فى الشنطة للحاجات التانية

================================================

-5-

بالنسبة لاى سوائل (برفان - جيل ) لازم يبقى الحجم الاصلى للعبوة 100 مللى او اقل ... يعنى لو معاك علبة 150 مللى وفيها ربعها بس مليان مش هيرضوا يخلوك تدخلها معاك الطيارة فى حين ان لو العلبة 100 مللى و مليانة على اخرها هتدخلها معاك الطيارة عادى جدا

========================================================================

-6-

وانت بتشترى الشنطة بتاعة السفر حط فى حسابك انك ممكن تسافر تبع اى شركة طيران واعرف ابعاد الشنطة المسموحة كام واشترى شنطة على قد الابعاد اللى هم قايلين عليها

اهم ميزة فى ان شنطتك تبقى خفيفة كدة هى انك هتبقى انت كمان خفيف ... ممكن تطلع فى دماغك فجاة انك تسافر من شرق اوروبا لغرب اوروبا لمدة يومين لانك لقيت تذكرة رايح جاى رخيصة جدا (200 جنيه مثلا ) فهتحجزها وتطلع بالشنطة اللى معاك ولا حد يقدر يكلمك فى اى شركة طيران من الشركات ديه والكلام دة عن تجربة

متخدش معاك الدولاب ... خد معاك نص الهدوم اللى انت عاوز تاخدها ... صدقنى مش هتلحق تلبسهم كلهم

:D